SON DƏQİQƏ

naxcivanxeberleri.com

Culfa rayonunda abadlıq və quruculuq işləri aparılır

Culfa rayonunda abadlıq və quruculuq işləri aparılır
10-08-2022, 23:30

    Muxtar respublikamızda həyata keçirilən abadlıq və quruculuq tədbirlərinin böyük bir hissəsini şəhərdaxili yolların əsaslı şəkildə yenidən qurulması və təmiri təşkil edir. Naxçıvan Muxtar Respublikasının bütün bölgələrində olduğu kimi, Culfa rayonunda da yol infrastrukturunun yenilənməsi istiqamətində görülən işlər şəhər və kəndlərimizin abadlığına, eləcə də insanların rahatlığına xidmət edir.
    Culfa şəhərində aparılan abadlıq və quruculuq işlərindən biri də şəhərdaxili yolların yenidən qurulmasıdır. Quruculuq işlərini Naxçıvan Muxtar Respublikası Dövlət Şəhərsalma və Arxitektura Komitəsinin Culfa Rayon İdarəsinin inşaatçıları həyata keçirir. Bu ilin iyun ayından başlanan quruculuq işləri, hazırda rayon mərkəzinin Təbriz, Şəhidlər, Məhərrəm Əsgər­oğlu və Xətai küçələrində davam etdirilir. Piyadaların gediş-gəlişi üçün nəzərdə tutulan yollara kilid daşlar döşənilir, bordürlər quraşdırılır. Həmçinin yolların kənarına suötürücü kanallar qurulur, rabitə, işıq xətlərinin quraşdırılması üçün plastik borular qoyulur. Bu işlər başa çatdıqdan sonra şəhərdaxili yollara asfalt örtük salınacaq. 

Nəzmiyyə Məmmədova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
Hquq guşəsi
NEKROLOQ

«    Eylül 2022    »
PtSaÇrPrCuCtPz
 1234
567891011
12131415161718
19202122232425
2627282930