SON DƏQİQƏ

naxcivanxeberleri.com

Müasir Naxçıvan rənglərin işığında” adlı rəsm sərgisi keçirilib-FOTO

Müasir Naxçıvan rənglərin işığında” adlı rəsm sərgisi keçirilib-FOTO
28-05-2022, 17:02

Naxçıvan Müəllimlər İnstitutunda “Təsviri incəsənət müəllimliyi” ixtisası III kurs tələbələrinin Naxçıvanın müasir şəhər mənzərələrinə həsr olunmuş rəsm sərgisi təşkil olunub.

Naxçıvan Müəllimlər İnstitutunun mətbuat və ictimaiyyətlə əlaqələr bölməsindən NAXCİVANXEBERLERİ.COM-a verilən məlumata əsasən, sərgini giriş sözü ilə açan institutun rektoru Azad Novruzov qeyd edib ki, müasir dövrdə iqtisadi sahədə xeyli nailiyyətlər əldə olunmuş, muxtar respublikada tikinti-quraşdırma və abadlıq sahəsində çoxsaylı inzibati binalar, sosial obyektlər tikilmiş, yüksək səviyyədə quruculuq və abadlıq işləri görülmüşdür. Müasir dövrdə əsaslı şəkildə yenidən qurulmuş Naxçıvan Muxtar Respublikası bugünkü və gələcək nəsillərə ən böyük töhfədir. Rektor bildirib ki, “Təsviri incəsənət müəllimliyi” ixtisası üzrə təhsil alan tələbələr müasir Naxçıvanın görünüşünü çəkdikləri rəsm əsərlərində əks etdirməklə yanaşı onları qorumalı və gələcək nəsillərə ötürməlidir.

Azad Novruzov vurğulayıb ki, muxtar respublikada və Naxçıvan Müəllimlər İnstitutunda mütəmadi olaraq sərgilərin keçirilməsi, tələbələrin yaradıcılıq fəaliyyətlərinin işıqlandırılması, bu ixtisasda və digər ixtisaslarda təhsil alan istedadlı tələbələrin qarşısında mühüm vəzifə qoyur və onlara daha həvəslə çalışmaları üçün stimul olur. Tələbələrimiz çalışmalıdır ki, onlar üçün yaradılmış bu şəraitdən yüksək səviyyədə istifadə etsin və üzərlərinə düşən vəzifələrini layiqincə yerinə yetirsinlər. Rektor çıxışının sonunda tələbələrin gələcək dövrlərdə təsviri-incəsənət və eyni zamanda elmin bütün sahələrində uğurlarının davamı üçün öz tövsiyələrini bildirib, onlara yaradıcılıqlarında uğurlar arzulayıb.

İnstitutun İxtisasartırma və yenidənhazırlanma üzrə prorektoru, Sənətşünaslıq üzrə fəlsəfə doktoru Həbibə Allahverdiyeva çıxış edərək bildirib ki, yüksək zövqlə, peşəkarlıqla, Şərq və Qərb memarlıq elementlərindən ustalıqla və yerli-yerində istifadə etməklə tikilən binalar, təmir olunan və yenidən qurulan inzibati və sosial obyektlər, salınan gülkarlıqlar, yaradılan səliqə-sahman böyük quruculuq və abadlıq işlərinin yüksək səviyyədə görüldüyünü təsdiq edir. Prorektor vurğulayıb ki, belə müasir, gözəl görüntülər təsvir incəsənət müəllimliyi ixtisasının tələbələrinin marağına səbəb olub, onlar şahidi olduqları bu yenilikləri, gözəllikləri öz əsərlərində yüksək səviyyədə əks etdiriblər. Həbibə Allahverdiyeva rəsmlər, onların janrları haqqında məlumat verib. Bildirib ki, özünəməxsus lirik ahənglərlə, xəfif rəng keçidləri ilə işlənmiş əsərlərdə bu mövzuya müraciət olunması tələbələrin öz sənət sirlərinə daha mükəmməl yiyələnməklə yanaşı, onlarda tarixi biliklərin, təbiətə qarşı həssas münasibətin formalaşması və eyni zamanda vətənpərlik ruhunda tərbiyəsi üçün mühüm əhəmiyyətə malikdir.

Sonra sərgiyə baxış keçirilib. Sərgidə mənzərə janrının bir növü olan şəhər mənzərələri üslubunda kompozisiya quruluşu, rəng koloriti, perspektiva kimi ifadə vasitələrinə əməl olunan, bir-birindən gözəl 18 əsər nümayiş olunub.

 

 

 

 

 

 

Mənsurə Hümbətova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
Hquq guşəsi
NEKROLOQ

«    Haziran 2022    »
PtSaÇrPrCuCtPz
 12345
6789101112
13141516171819
20212223242526
27282930