SON DƏQİQƏ

naxcivanxeberleri.com

Sosial xidmət göstərilən ahıl sakinlər üçün təbiət gəzintisi təşkil olunub-FOTO

Sosial xidmət göstərilən ahıl sakinlər  üçün təbiət gəzintisi təşkil olunub-FOTO
26-05-2022, 19:43

Mərkəzin mətbuat xidmətindən NAXCİVANXEBERLERİ.COM-a verilən məlumata əsasən, Muxtar respublikamızın ahıl sakinlərinin sosial müdafiəsi daim diqqət mərkəzində saxlanılır, onların sağlamlıqlarının qorunması, məişət məsələlərinin həlli istiqamətində müvafiq tədbirlər həyata keçirilir. Bu məqsədlə, Naxçıvan Muxtar Respublikası Əmək və Əhalinin Sosial Müdafiəsi Nazirliyinin tabeliyində fəaliyyət göstərən “Ahıllar Evi”nin sakinləri və sosial xidmətə cəlb edilmiş tənha ahıllar mütəmadi olaraq, tibbi müayinədən keçirilir, müalicələrinə köməklik göstərilir, əlamətdar günlərdə onlarla görüşlər təşkil olunur, sovqatlar təqdim edilir. Bununla yanaşı, sosial xidmət göstərilən tənha ahılların muxtar respublikanın tarixi və görməli yerlərinə gəzintilərinin, sosial könüllülərin iştirakı ilə onların yaşayış yerlərində iməciliklərin keçirilməsi davam etdirilir.

May ayının 26-da, Naxçıvan Muxtar Respublikası Əmək və Əhalinin Sosial Müdafiəsi Nazirliyinin təşkilatçılığı, sosial könüllülərin iştirakı ilə bir qrup sosial xidmət göstərilən ahıl sakin üçün Şahbuz rayonu ərazisində təbiət gəzintisi təşkil edilib, burada onlara çay süfrəsi açılıb. Naxçıvan Aşıqlar Birliyinin üzvlərinin ifasında saz havalarından ibarət musiqi proqramı da ahıl sakinlərdə xoş ovqat yaradıb.

Qeyd edək ki, həmin gün ahıl sakinlər Şahbuz şəhərində yerləşən “Ahıllar Evi”ndə yaradılan şərait və göstərilən xidmətlərlə də tanış olublar. Görüş nahar süfrəsi ətrafında davam etdirilib.

Ahıl vətəndaşlar göstərilən diqqət və qayğıya görə razılıqlarını bildiriblər.

 

Mənsurə Hümbətova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
Hquq guşəsi
NEKROLOQ

«    Temmuz 2022    »
PtSaÇrPrCuCtPz
 123
45678910
11121314151617
18192021222324
25262728293031