SON DƏQİQƏ

naxcivanxeberleri.com

Türk Ağsaqqallar Birliyinin sədri və təşkilat komitəsinin üzvləri Naxçıvan Dövlət Universitetində olub

Türk Ağsaqqallar Birliyinin sədri və təşkilat komitəsinin üzvləri Naxçıvan Dövlət Universitetində olub
4-05-2022, 21:28

Universitetin Diplomatiya kabinəsində keçirilən görüşdə  ali təhsil ocağının rektoru Elbrus İsayev rəhbərlik etdiyi universitetin 55 illik tarixi inkişaf yolu, maddi-texniki bazası, müasir tədris üsulları haqda danışıb. Qeyd edilib ki, universitetdə 8000-dən artıq tələbə təhsili ilə 1000-ə yaxın akademik heyət məşğul olur.

NDU-nun Televiziya, mətbuat və ictimaiyyətlə əlaqələr bölməsindən NAXCİVANXEBERLERİ.COM-a verilən məlumata görə, rektor universitetin beynəlxalq əlaqələri, xarici ölkə universitetləri ilə bağladığı müqavilələr, qardaş Türkiyə Universitetləri ilə ikili diplom layihələrinin mövcudluğu haqda ətraflı məlumat verib. Ali təhsil ocağının qazandığı elmi nailiyyətləri diqqətə çatdıran rektor universitetdə İngilisdilli ixtisasların fəaliyyətindən  söz açıb.  Elbrus İsayev elektron təhsil şəbəkəsini quran ilk universitet kimi ali təhsil ocağında hibrid təhsil metodunun uğurla tətbiq edilməsindən danışıb.

Rektor Britaniya Şurasının universitetdə açdığı İELTS qeydiyyat və imtahan mərkəzinin fəaliyyətə başlamasını ali təhsil ocağının qazandığı nailiyyətlər sırasında qeyd edib. Vurğulanıb ki, mərkəzin ilk imtahanı bu ilin iyun ayında keçiriləcək. Elbrus İsayev qeyd edib ki, əcnəbi tələbələrin sayca üstünlüyü ilə ölkə universitetləri sırasında öz öncüllüyünü qoruyan ali təhsil ocağında 10 ölkədən 1500 tələbə təhsil alır.

TAİB sədri, Yeni Azərbaycan Partiyası Veteranlar Şurasının üzvü, akademik Sudeif İmamverdiyev  təhsilin və tədrisin yüksək səviyyədə təşkilindən, muxtar respublikanın tələbləri nəzərə alınmaqla aparılan kadr potensialından xüsusilə razılığını ifadə edib.

Millət vəkili, Yeni Azərbaycan Partiyasının İdarə Heyətinin üzvü Hikmət Babaoğlu universitetin 55 illik yubileyi münasibətilə təbrik edib, ali təhsil ocağının inkişaf perspektivləri ilə bağlı müəyyən məqamlara toxunub, öz təklif və tövsiyyələrini çatdırıb.

Jurnalist, Ekspert Mərkəzinin rəhbəri Ceyhun Musaoğlu, TAİB Təşkilat Komitəsinin üzvü Eyvaz Hümbətov, Missiya Media Qrupunun baş redaktoru, Türk Ağsaqqalları Birliyinin Aparat rəhbəri Nicat Dağlar universitet haqda xoş təəssüratlarını bölüşüb, görülən işlərdən məmnunluq hisslərini dilə  gətiriblər.  Qeyd edilib ki,  yaradılan şərait, qurub-yaradılan imkanlar hər kəsdən bu sahədə xüsusi bacarıqla işləmək və təhsil almaq imkanı yaradır.

Sonda TAİB sədri, Yeni Azərbaycan Partiyası Veteranlar Şurasının üzvü, akademik Sudeif İmamverdiyev universitetin xatirə kitabına ürək sözlərini yazıb.

Qeyd edək ki, Türk Ağsaqqallar Birliyinin sədri və təşkilat komitəsinin üzvlərinin iştirakı ilə universitetdə ustad dərsləri təşkil edilib.

Nəzmiyyə Məmmədova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
Hquq guşəsi
NEKROLOQ

«    Ağustos 2022    »
PtSaÇrPrCuCtPz
1234567
891011121314
15161718192021
22232425262728
293031