SON DƏQİQƏ

naxcivanxeberleri.com

Sahil Babayev və müavinləri vətəndaşlarla görüşüb

Sahil Babayev və müavinləri vətəndaşlarla görüşüb
17-05-2019, 22:54

Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq, Əmək və Əhalinin Sosial Müdafiəsi naziri Sahil Babayev Astara rayonunda vətəndaşları fərdi qaydada qəbul edib.

Əmək və Əhalinin Sosial Müdafiəsi nazirliyindən NAXCİVANXEBERLERİ.COM-a verilən məlumata görə, qəbuldan əvvəl S.Babayev və Astara rayon İcra Hakimiyyətinin başçısı Qəzənfər Ağayev ümummilli lider Heydər Əliyevin abidəsi önünə gül dəstələri düzüb, xatirəsini dərin ehtiramla yad ediblər.

Vətəndaşlar əsasən sosial təminat, məşğulluq, aktiv məşğulluq tədbirlərinə və özünüməşğulluq proqramına cəlb olunma, tibbi-sosial reabilitasiya, əmək hüquqlarının müdafiəsi və s. məsələlərlə bağlı müraciət ediblər.

S.Babayev vətəndaşlarla görüşündə əhalinin sosial müdafiəsinin gücləndirilməsi, pensiya, müavinət və təqaüdlərin əhəmiyyətli şəkildə artırılması üçün atılan addımlar barədə məlumat verib. Nazir əmək, məşğulluq, sosial təminat sahələrində xidmətlərin keyfiyyətinin artırılması, bu xidmətlərin şəffaflaşdırılması və operativ təşkili, vətəndaş məmnunluğuna nail olunması istiqamətində aparılan islahatları diqqətə çatdırıb.

Qəbul zamanı müraciətlərin bir qismi sorğu xarakterli olub və qanunvericiliyə uyğun izahatlar verilib. Bir sıra vətəndaşların müraciətlərə uyğun olaraq onlara vakant iş yerlərinə göndərişlər verilib. Ayrı-ayrı şəxslər özünüməşğulluq proqramına və peşə hazırlığına, reabilitasiya xidmətlərinə cəlb edilmələri, həmçinin reabilitasiya vasitələri ilə təmin edilmələri üçün qeydiyyata alınıblar. Digər müraciətlərdə qaldırılan məsələlər nazirliyin müvafiq struktur bölmələrinin məsul şəxslərinin iştirakı ilə yerindəcə araşdırılıb.

Həmçinin Əmək və Əhalinin Sosial Müdafiəsi nazirinin müavinləri Mətin Kərimli Lənkəran rayonunda, Anar Kərimov isə Masallı rayonunda vətəndaşları fərdi qaydada qəbul ediblər. Vətəndaşların müraciətlərində əksini tapan məsələlərin həlli ilə bağlı müvafiq tədbirlər görülüb. Eləcə də vətəndaşların sosial təminat növlərinə hüququn müəyyən olunması, əlilliyin qiymətləndirilməsi, reabilitasiya, məşğulluq xidmətləri və s. barədə sorğuları cavablandırılıb, ayrı-ayrı müraciətlər araşdırılmaq üçün qeydiyyata alınıb.

Nəzmiyyə Məmmədova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

UŞAQ CƏRRAHI

XBƏR LENTİ
BÜTÜN XBƏRLƏR
Hüquq guşəsi
NEKROLOQ

«    Temmuz 2020    »
PtSaÇrPrCuCtPz
 12345
6789101112
13141516171819
20212223242526
2728293031