SON DƏQİQƏ

naxcivanxeberleri.com

Azad edilmiş ərazilərdə bərpa işləri daha da sürətlənəcək - Mikayıl Cabbarov

Azad edilmiş ərazilərdə bərpa işləri daha da sürətlənəcək - Mikayıl Cabbarov
27-10-2021, 13:50

Azərbaycanın işğaldan azad edilmiş ərazilərində yenidənqurma işləri davam edir və proses daha da sürətlənəcək.

NAXCİVANXEBERLERİ.COM-un məlumatına görə, bunu iqtisadiyyat naziri Mikayıl Cabbarov çərşənbə günü İqtisadiyyat və Mədəniyyət nazirliklərinin dəstəyi, Kiçik və Orta Biznesin İnkişafı Agentliyinin (KOBİA) və İslam Əməkdaşlıq Təşkilatının Gənclər Forumunun (ICYF) təşkilatçılığı ilə Azərbaycan İnvestisiya və Mədəniyyət Sammitində çıxışı zamanı deyib.

Onun sözlərinə görə, hazırda Qarabağda aktiv bərpa işləri aparılır:

“Dünən hamımıza məlum olduğu kimi, Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan Füzuli beynəlxalq hava limanının açılışını etdilər. Bərpa işləri davam edir və bu, daha da sürətlənəcək”.

Nazir qeyd edib ki, işğaldan azad edilmiş ərazilər ölkəmizin və bütövlükdə regionun iqtisadiyyatının inkişafı üçün əlavə drayverə çevriləcək:

“Biz bərpa işlərinə investorları cəlb etməyə davam edirik. Bundan başqa, xarici iş adamları da Azərbaycanın Ələtdəki azad iqtisadi zonasına böyük maraq göstərirlər”.

Naxcivanxeberleri.com

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
Hüquq guşəsi
NEKROLOQ

«    Aralık 2021    »
PtSaÇrPrCuCtPz
 12345
6789101112
13141516171819
20212223242526
2728293031