SON DƏQİQƏ

naxcivanxeberleri.com

Xəzər dənizi offşor külək enerjisi baxımından böyük potensiala malikdir - Nazir müavini

Xəzər dənizi offşor külək enerjisi baxımından böyük potensiala malikdir - Nazir müavini
10-06-2021, 20:38

Xəzər dənizi offşor külək enerjisi baxımından böyük potensiala malikdir.

NAXCİVANXEBERLERİ.COM-un məlumatına görə, bunu energetika nazirinin müavini Elnur Soltanov 5-ci Trans-Xəzər forumunda çıxışı zamanı deyib.

Onun sözlərinə görə, Azərbaycan bu istiqamətdə Beynəlxalq Maliyyə Korporasiyası və BP ilə işləyir: "Azərbaycan Xəzər dənizini bərpa olunan enerji mənbəyi kimi yenidən kəşf edir. Bizim ilkin hesablamalarımız göstərir ki, Xəzər dənizi offşor külək enerjisi baxımından böyük potensiala malikdir. Təkcə Azərbaycan sektorunda 157 min meqavatt səviyyəsində enerjinin olduğunu hesab edirik. Bu, Azərbaycanda elektrik stansiyalarının ümumi gücündən 20 dəfə çoxdur. Bizim bu enerjini elektrik və ya yaşıl hidrogen qismində ixrac etmək imkanlarımız var".

Nazir müavini əlavə edib ki, Azərbaycan torpaqlarının erməni işğalından azad edilməsi regionda, həmçinin energetika sahəsində əməkdaşlıq üçün böyük imkanlar yaradıb: "Biz Qarabağı yaşıl enerji məkanına çevirməyə ümid edirik. Qarabağ külək və su enerjisi baxımından böyük potensiala malikdir. Biz burada özəl investisiyalar və dövlət-özəl tərəfdaşlığı üçün bütün şərtləri yaradırıq".

Nəzmiyyə Məmmədova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
Hüquq guşəsi
NEKROLOQ

«    Haziran 2021    »
PtSaÇrPrCuCtPz
 123456
78910111213
14151617181920
21222324252627
282930