SON DƏQİQƏ

naxcivanxeberleri.com

  “Naxçıvan” Universitetində start verilən “880 illik dəyər – Nizaminin Xəmsəsi” adlı silsilə tədbirlər davam edir

  “Naxçıvan” Universitetində start verilən “880 illik dəyər – Nizaminin Xəmsəsi” adlı silsilə tədbirlər davam edir
3-03-2021, 16:00

  Bu gün layihə çərçivəsində növbəti tədbir keçirilib.

Universitetin mətbuat xidmətindən NAXCİVANXEBERLERİ.COM-a verilən məlumata görə, tədbiri giriş sözü ilə Azərbaycan dili və ədəbiyyatı kafedrasının müdiri, dosent Nüşabə Məmmədova açıb. Bildirib ki, Nizami Gəncəvi yaradıcılığı öz zənginliyi, fəlsəfi məna dərinliyi ilə dünya ədəbiyyatında yeri olan yaradıcılıqdır. Bu yaradıcılığın nəsillərdən nəsillərə çatdırılması, təbliği xüsusi önəm daşıyır. O xatırladıb ki, 2021-ci ildə dahi şair və mütəfəkkir Nizami Gəncəvinin anadan olmasının 880 illiyi tamam olur. Dövlət başçısı İlham Əliyevin  05 yanvar 2021ci il tarixli sərəncamı ilə bu il ölkəmizdə “Nizami Gəncəvi İli” elan edilib.

   Kafedra müdiri Nizami Gəncəvinin həyat və yaradıcılığı haqqında məlumat verdikdən sonra ”Hikmət və nəsihətlər” və “Sirlər xəzinəsi” kitablarının müzakirəsi başlayıb. Tələbələrin fəallığı ilə seçilən müzakirədə milli-əxlaqi dəyərlərin təbliğində Nizami Gəncəvi yaradıcılığının öyrənilməsinin əhəmiyyəti, humanizm, ədalətli cəmiyyət kimi  dəyərlərin tərənnümü məsələləri müzakirə edilib.

   Müzakirənin sonunda Pedoqoji kafedranın müdiri Aytən Məmmədova  tələbələrə fəal iştiraklarına görə təşəkkür edib və belə müzakirələrin davamlı olacağını deyib.

 

 

 

Aynurə Yusifova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
Hüquq guşəsi
NEKROLOQ

«    Nisan 2021    »
PtSaÇrPrCuCtPz
 1234
567891011
12131415161718
19202122232425
2627282930