SON DƏQİQƏ

naxcivanxeberleri.com

Ötən il Azərbaycana gələn turistlər 2 milyard dollardan çox vəsait xərcləyiblər

Ötən il Azərbaycana gələn turistlər 2 milyard dollardan çox vəsait xərcləyiblər
3-04-2019, 22:17

Ötən il Azərbaycana gələn turistlər 2 milyard dollar çox vəsait xərcləyiblər.

NAXCİVANXEBERLERİ.COM-un məlumatına görə, bunu Dövlət Turizm Agentliyinin mətbuat xidmətinin rəhbəri Kənan Quluzadə bildirib.

K.Quluzadə deyib ki, ötən il Azərbaycana gələn qonaqların sayı 2 milyon 800 mindən çox olub.

Agentlik rəsmisinin sözlərinə görə, bu il Azərbaycana gələn qonaqların sayı 360 min nəfərdən çox olub: "Daha çox Rusiya və Gürcüstandan turist gəlib. Bundan əlavə, son illərdə Yaxın Şərq ölkələrindən gələn turistlərin sayında böyük artım var. Bu ilin son iki ayının nəticələrinə əsasən, Cənubi Asiya bölgəsindən gələnlərin sayında böyük sıçrayış var. Bu ilin son iki ayının nəticələrinə əsasən demək olar ki, ötən ilin müvafiq dövrü ilə müqayisədə 70 faiz artım var. Mərkəzi Asiya bölgəsi üzrə 30 faiz artım qeydə alınıb. Ümumilikdə isə Azərbaycanda 15 turizm bazarı üzrə turistlərin sayında artım hiss olunur".

K.Quluzadə qeyd edib ki, əsas məqsəd 2023-cü ilədək Azərbaycana gələn turistlərin sayını 2 dəfə artırmaqdır. Qeyd edilir ki, yaxın zamanlarda 20-yə yaxın beynəlxalq sərgidə Azərbaycanın turizm potensialı təmsil olunacaq.

Nəzmiyyə Məmmədova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

UŞAQ CƏRRAHI

XƏBƏR LENTİ
BÜTÜN XƏBƏRLƏR
NEKROLOQ

«    Haziran 2020    »
PtSaÇrPrCuCtPz
1234567
891011121314
15161718192021
22232425262728
2930