SON DƏQİQƏ

naxcivanxeberleri.com

Çənnəb kənd İnzibati Ərazi Dairəsi üzrə Nümayəndəliyində maarifləndirici tədbir keçirilib

Çənnəb kənd İnzibati Ərazi Dairəsi üzrə Nümayəndəliyində maarifləndirici tədbir keçirilib
23-01-2021, 14:33

Ordubad rayon Dövlət Yanğın Təhlükəsizliyi Şöbəsinin təşkilatçılığı ilə Çənnəb kənd İnzibati Ərazi Dairəsi üzrə Nümayəndəliyində yanğın təhlükəsizliyi məsələləri ilə bağlı “Müəssisələrdə yanğın təhlükəsizliyi qaydalarına diqqət artırılmalıdırmövzusunda maarifləndirici tədbir keçirilmişdir.

Fövqəladə Hallar Nazirliyininmətbuat xidmətindən NAXCİVANXEBERLERİ.COM-a verilən məlumata görə, tədbirin əsas məqsədi Çənnəb kənd tam orta  məktəbinin, İnzibati Ərazi Dairəsi üzrə Nümayəndəliyin, Həkim Ambulatoriyasının, Kitabxana və Mədəniyyət evinin işçi heyətinə qaz təsərrüfatı, dəm qazının yaranmasının qarşısının alınması və yanğın təhlükəsizliyinin təmin edilməsi ilə bağlı müəyyən edilmiş qaydalar haqqında məlumat vermək olmuşdur.

Tədbiri giriş sözü ilə açan Çənnəb kənd İnzibati Ərazi Dairəsi üzrə Nümayəndəsi İntiqam Quliyev bu cür maarifləndirici tədbirlərin təhsil  müəssisələrində və rayon ərazisində keçirilməsinin əhəmiyyətindən danışmış və vacibliyini bir daha iştirakçıların nəzərinə çatdırmışdır.

Rayon Dövlət Yanğın Təhlükəsizliyi Şöbəsinin bölmə rəisi daxili xidmət mayoru Orxan Əsərov “İnzibati Ərazi Dairəsi üzrə Nümayəndəlikdə və yaşayış sahələrində yanğın təhlükəsizliyinin təşkili diqqət mərkəzində saxlanılır. Qaz və elektrik təsərrüfatından istifadə zamanı yanğın təhlükəsizliyi qaydaları və dəm qazından zəhərlənmə hallarının baş vermə səbəbləri və onun qarşısının alınması” mövzusunda məlumat verib.

Dövlət Yanğın Təhlükəsizliyi Şöbəsinin inspektoru, daxili xidmət baş leytenantı Ağahüseyn Məmmədov yaşayış sahələrində baş verən yanğınların səbəbləri, yanğın təhlükəsizliyi qaydaları, yanğına səbəb olan amillər haqqında dinləyicilərə məlumat vermişdir.

Dövlət Yanğın Nəzarəti Bölməsinin baş inspektoru, daxili xidmət kapitanı Həsən Cəfərov ilkin yanğınsöndürmə vasitələri, tərkibi, təyinatı və istifadə qaydaları haqqında dinləyicilərə məlumat vermişdir.

Sonda tədbir iştirakçılarını maraqlandıran suallar cavablandırılmışdır.

 

Nəzmiyyə Məmmədova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
Hüquq guşəsi
NEKROLOQ

«    Mart 2021    »
PtSaÇrPrCuCtPz
1234567
891011121314
15161718192021
22232425262728
293031