SON DƏQİQƏ

naxcivanxeberleri.com

Akademik İsmayıl Hacıyevin 70 illik yubileyi münasibətilə virtual sərgi təşkil olunub

Akademik İsmayıl Hacıyevin 70 illik yubileyi münasibətilə virtual sərgi təşkil olunub
20-01-2021, 16:11

Azərbaycan tarixi və ictimai fikrinin tədqiqi və təbliğində böyük xidmətləri olan görkəmli şəxsiyyət, böyük alim, AMEA Naxçıvan Bölməsinin sədri, akademik İsmayıl Hacıyev Azərbaycanın, onun ayrılmaz tərkib hissəsi olan Naxçıvanın yeni dövr tarixşünaslığında özünəməxsus yer tutan, Azərbaycan dövlətçiliyinin Naxçıvan məktəbinin tədqiqində xüsusi xidmətləri olan alimdir. Onun tədqiqatlarında Naxçıvan Muxtar Respublikasının tarixi, keçdiyi kəşməkəşli inkişaf yolu bütün yönləri ilə əsaslı şəkildə araşdırılmışdır.

AMEA Naxçıvan Bölməsinin mətbuat xidmətindən NAXCİVANXEBERLERİ.COM-a verilən məlumata görə,yanvarın 21-də görkəmli alim, akademik İsmayıl Hacıyevin 70  yaşı tamam olur. Bu münasibətlə AMEA Naxçıvan Bölməsi Elmi Kitabxanası tərəfindən hazırlanan sərgi virtual rejimdə oxuculara təqdim olunub. Virtual sərgidə akademikin fəaliyyəti ilə bağlı rəsmi sənədlər, fotolar, elmi redaktoru, tərtibçisi olduğu kitabları, müxtəlif jurnal və qəzetlərdə dərc olunan məqalələri, həmçinin haqqında yazılan məqalələr nümayiş olunur. “Naxçıvan Azərbaycanın dövlətçilik tarixində”, “Naxçıvan Muxtar Respublikasının sosial-iqtisadi və mədəni inkişafı”, “Mustafa Kamal Atatürk və Naxçıvan”, “Heydər Əliyev siyasəti tarixdə və günümüzdə”, “Naxçıvan tarixinə dair qaynaqlar”, “Naxçıvan Muxtar Respublikası müstəqillik illərində”, “Территориальные притязания и кровавые преступления армян против Азербайджана”, “Böyük güclərin Azərbaycanla bağlı geosiyasi maraqlarında Naxçıvanın yeri”, “Tarihte ve günümüzde Nahçıvan”, “Naxçıvanlı diplomatlar”, “Ermənilərin Azərbaycana qarşı ərazi iddiaları və qanlı cinayətləri”, “Azərbaycan Xalq Cümhuriyyəti və Naxçıvan” və başqa kitablar sərgidə nümayiş olunan resurslar sırasındadır.

Sərgi ilə aşağıdakı linkə daxil olaraq tanış ola bilərsiniz:

https://docs.google.com/presentation/d/170AXnQJoH5ZP2HjqKMWNy0wzvG7LilmgojGvVw6Lp8U/mobilepresent?slide=id.g13c7f5c3f0_0_

 

 

Aynurə Yusifova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
Hüquq guşəsi
NEKROLOQ

«    Mart 2021    »
PtSaÇrPrCuCtPz
1234567
891011121314
15161718192021
22232425262728
293031