SON DƏQİQƏ

naxcivanxeberleri.com

AMEA Naxçıvan Bölməsində “Elm həftəsi” ilə bağlı tədbirlər davam etdirilir

AMEA  Naxçıvan Bölməsində “Elm həftəsi” ilə bağlı tədbirlər davam etdirilir
13-03-2019, 12:10

AMEA Naxçıvan Bölməsində Elm Günü ilə əlaqədar olaraq “Elm həftəsi”nə həsr olunan tədbirlər davam etdirilir.
AMEA Naxçıvan Bölməsinin İnformasiya şöbəsindən [b]NAXCİVANXEBERLERİ.COM[/b]-a verilən məlumata görə, bu münasibətlə keçirilən növbəti tədbirdə bölmənin sədri, akademik İsmayıl Hacıyev çıxış edərək ölkəmizdə elmin inkişafının daim dövlətin diqqət mərkəzində olduğunu bildirib. Elmin inkişafının ölkənin sosial-iqtisadi və mədəni inkişafı ilə sıx əlaqədar olduğunu deyən alim qeyd edib ki, əsası dahi öndər Heydər Əliyev tərəfindən qoyulan Azərbaycan Respublikasının elm siyasətini bu gün Prezident İlham Əliyev tərəfindən uğurla davam etdirilir. İsmayıl Hacıyev ölkəmizdə uğurla həyata keçirilən elm siyasətinin Naxçıvan Muxtar Respublikasında da dəstəkləndiyini, bu diyarda elm adamlarına yüksək diqqət və qayğının göstərildiyini vurğulayıb.
Daha sonra İncəsənət, Dil və Ədəbiyyat İnstitutunun direktoru, AMEA-nın müxbir üzvü Əbülfəz Quliyev rəhbərlik etdiyi müəssisə haqqında məlumat verib. Bildirib ki, Naxçıvanın mədəni mühiti, maddi və mənəvi mədəniyyətinin tədqiqini qarşısına məqsəd qoyan institut 2009-2018-ci illər ərzində Naxçıvanın ədəbi mühiti, mədəni həyatı, onomastikası, memarlığı, təsviri sənəti, folkloru kimi mühüm sahələri tədqiq edib, ciddi elmi nəticələr və çoxsaylı elmi əsərlər ortaya qoyub.
İnstitutda həyata keçirilən elmi tədqiqat işlərinin nəticəsindən bəhs edən Əbülfəz Quliyev qeyd edib ki, 2009-2018-ci illərdə əməkdaşların 1962 elmi əsəri çap edilib. Naxçıvanın mədəni mühiti, maddi və mənəvi mədəniyyətinin tədqiqi problemi üzrə 20 elmi nəticə əldə olunub. Bundan başqa, Naxçıvan ədəbi, mədəni və folklor mühitinə dair 3 cildlik “Naxçıvan folklor antologiyası”, “Naxçıvan teatrının salnaməsi”; “Dədə-Qorqud yurdu Naxçıvan” tarixi-coğrafi və etnoqrafik Atlas, o cümlədən Naxçıvan əhalisinin etnogenezi tarixindən bəhs edən fundamental əsərlər, görkəmli şəxsiyyətlərin həyatı və yaradıcılığını əhatə edən “taleyi və sənəti” seriyasından 13 adda kitab və sair elmi əsərlər nəşr edilib.
Bildirib ki, Prezident yanında Elmin İnkişaf Fondunun elan etdiyi kompleks elmi-tədqiqat işlərinin qrant layihələri müsabiqəsində institutun “Azərbaycançılıq ideologiyası işığında Naxçıvan ədəbi mühiti, folkloru, dialekt və şivələri və yer adlarının toplanması, kompleks tətbiqi və nəşri” mövzusundakı layihəsi qalibi olub.
Tədbirin sonunda iştirakçılar İncəsənət, Dil və Ədəbiyyat İnstitutunun 2009-2018-ci illər ərzindəki fəaliyyətini əks etdirən elmi nəşrlərdən ibarət sərgi ilə yaxından tanış olublar.
AMEA  Naxçıvan Bölməsində “Elm həftəsi” ilə bağlı tədbirlər davam etdirilirAMEA  Naxçıvan Bölməsində “Elm həftəsi” ilə bağlı tədbirlər davam etdirilir

Naxcivanxeberleri.com

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

UŞAQ CRRAHI

XƏBR LENTİ
BÜTÜN XƏBƏRLƏR
NEKROLOQ

«    Haziran 2020    »
PtSaÇrPrCuCtPz
1234567
891011121314
15161718192021
22232425262728
2930