SON DƏQQƏ

naxcivanxeberleri.com

Naxçıvan Dövlət Universitetində vebinar keçirilib-FOTO

Naxçıvan Dövlət Universitetində  vebinar keçirilib-FOTO
21-09-2020, 10:46

Naxçıvan Dövlət Universitetində vebinar keçirilib. “LCD İşıqlandırma vahidi üçün Optiklər” adlı vebinarı Yaponiyada yaşayan dünya şöhrətli azərbaycanlı alim Xəlil Kələntər keçib.

NDU-nun Televiziya, mətbuat və ictimaiyyətlə əlaqələr bölməsindən NAXCİVANXEBERLERİ.COM-a verilən məlumata görə, Universitetin Tədris və tərbiyə işləri üzrə prorektoru Rafiq Rəhimov tədbir iştirakçılarını salamlayıb, seminarın işinə uğurlar arzulayıb. Prorektor universitetin maddi-texniki bazası, müasir tədris üsulları, ali təhsil ocağının beynəlxalq əlaqələri haqda ətraflı məlumat verib.

Xəlil Kələntər LCD texnologiyaları sahəsində apardığı tədqiqatlara dair təqdimatla çıxış edib, LCD işıqlandırma vahidi üçün optiklər, panellərin arxa işıqlandırılması haqda slaydlar vasitəsilə danışıb. Seminarda həmyerlimiz dünyada ilk dəfə işıqla yönləndirilən optik mikro-reflektorlu və mikro-deflektorlu optik lövhələrin, məişətimizə geniş daxil olan LCD televizor, kompyuter və mobil telefonların əsas hissələrindən birinin - maye kristal displeyin arxa fon işıqlarının yaradıcısı kimi öz kəşfləri haqda ətraflı məlumat verib. Alim tədbir iştirakçılarının suallarını cavablandırıb.

Qeyd edək ki, Xəlil Kələntər işıqla yönləndirilən mikrostrukturlu funksional optik lövhələrin ilk dizayneri və istehsalçısıdır. 2007-ci ilin mayında LCD işıqlandırılmasında istifadə edilən işıq şüaları üçün kəşf etdiyi yeni optik-dizayn metodu üçün xüsusi mükafat, 2016-cı ildə Yaponiya Maye Kristal Cəmiyyətinin xüsusi “Texnoloji İnkişaf Mükafatı"nı alıb. Xəlil Kələntər apardığı araşdırmalarla yalnız Yaponiyada deyil, eyni zamanda Amerika və Avropada da yaxşı tanınır. O, 1995-ci ildən bəri LCD blokları üçün optik cihazlar və modullar üzərində çalışır. Alim elektronika mühəndisliyi, yeni nəsil ekranların yaradılması sahəsində 100-ə yaxın patentin, 130-dan artıq elmi məqalənin müəllifidir. LCD işıqlandırılmasında istifadə edilən işıq şüaları üçün 2007-ci ildə kəşf etdiyi yeni optik-dizayn metoduna görə xüsusi mükafata layiq görülüb. 2008-ci ildə displey elektronikası və optikası üzrə ABŞ-ın nüfuzlu “Society for Information Display” (SID) Cəmiyyətinin fəxri üzvü seçilib, SID Cəmiyyəti proqram komitəsinin üzvüdür. X.Kələntər hazırda “Global Optical Solutions” şirkətinin və CEREBA-nın (Yeni Nəsil Kimyəvi Materialların Araşdırılması Elmi-Tədqiqat İnstitutu) baş tədqiqatçısıdır. Bundan əlavə, soydaşımız “Journal of SID” elmi jurnalının xüsusi buraxılışının redaktoru, displey texnologiyaları üzrə Yaponiyada keçirilən beynəlxalq seminarların proqram komitəsinin də üzvüdür. Əsərləri ingilis, yapon, Çin və Koreya dillərində dərc olunub. LCD texnologiyaları üzrə yapon dilində 3 kitabın, həmçinin elektronik displeylə bağlı olan . yapon və ingilis dillərində nəşr olunan 11 kitabın həmmüəlliflərindən biridir.  

 

Aynurə Yusifova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

UŞAQ CƏRRAHI

XƏBƏR LENTİ
BÜTÜN XƏBƏRLƏR
Hüquq guşəsi
NEKROLOQ

«    Ekim 2020    »
PtSaÇrPrCuCtPz
 1234
567891011
12131415161718
19202122232425
262728293031