SON DƏQİQƏ

naxcivanxeberleri.com

ETSN: Ovçuluq bileti əldə etmək ova icazə verilməsi demək deyil

ETSN: Ovçuluq bileti əldə etmək ova icazə verilməsi demək deyil
27-02-2020, 11:00

Azərbaycanda ov məsələsi kifayət qədər aktualdır. Azərbaycan cəmiyyəti buna həssas yanaşır.

NAXCİVANXEBERLERİ.COM-un məlumatına görə, bunu “Azərbaycanda dayanıqlı ov: risklər və imkanlar” adlı Forumda çıxışında Ekologiya və Təbii Sərvətlər Nazirliyinin (ETSN) departament direktoru Hikmət Əlizadə deyib. O qeyd edib ki, bu məsələyə cavabdeh olan ETSN-in əsas işi məsuliyyətli ovçuluğu insanlara aşılamaqdır: "Nəzərə almaq lazımdır ki, ovçu milliyyətindən asılı olmayaraq, istər cəmiyyətə, istər təbiətə, istərsə də özünə qarşı risk obyektidir".

Direktorun sözlərinə görə, məsuliyyyətli ovçu olan, qanuni ovçuluqla məşğul olmaq istəyənlər ovçuluq bileti əldə etməlidirlər: "Ovçuluq biletini əldə etmək üçün isə həmin şəxslər imtahan verməlidirlər. Amma bilet əldə etmək ova icazə verilməsi demək deyil. Ova çıxmaq üçün ov icazəsi, yəni lisenziya əldə edilməlidir. 2019-cu ildən xarici vətəndaşlara lisenziyaların verilməsi ASAN xidmət tərəfindən həyata keçirilir. Digər vətəndaşlara icazələrin alınması isə yerli ərazi şöbələri tərəfindən aparılır".

H.Əlizadə bildirib ki, lisenziyaya münasibət birmənalı deyil: "Ovçuların əksəriyyəti lisenziyaların limitsiz ova icazə verməsini istəyir. Deyirlər ki, ovçuyamsa, istədiyim vaxt ova getməli və istədiyim sayda ov etməliyəm. Amma bu, düzgün yanaşma deyil. Lisenziyaların limiti ov sahələrinin sayına mütənasib təyin olunur".

Aynurə Yusifova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

UŞAQ CƏRRAHI

XƏBƏR LENTİ
BÜTÜN XƏBƏRLƏR
NEKROLOQ

«    Mart 2020    »
PtSaÇrPrCuCtPz
 1
2345678
9101112131415
16171819202122
23242526272829
3031