SON DƏQQƏ

naxcivanxeberleri.com

BP və tərəfdaşları məktəb müəllimlərinin innovativ tədris bacarıqlarının artırılmasına dəstək verib

BP və tərəfdaşları məktəb müəllimlərinin innovativ tədris bacarıqlarının artırılmasına dəstək verib
10-12-2019, 16:55

BP və onun “Azəri-Çıraq-Günəşli”, “Bakı-Tbilisi-Ceyhan”, “Şahdəniz” və Cənubi Qafqaz Boru Kəməri layihələrindəki tərəfdaşları məktəblərdə və digər təhsil müəssisələrində tədrisin keyfiyyətinin artırılmasına dəstək olmaq məqsədilə müəllimlər üçün yuxarı siniflərin kurikulum metodikasına dair bələdçi kitabın və terminlər lüğətinin təqdimatını keçirib.

NAXCİVANXEBERLERİ.COM xəbər verir ki,“BP-Azerbaijan” şirkətindən verilən məlumata görə, kitablar Azərbaycan Təhsil Nazirliyi ilə əməkdaşlıq şəraitində hazırlanıb.

Bu layihə BP-nin və tərəfdaşlarının təhsilin inkişafına dəstək vermək və bütün səviyyələrdə yerli bacarıq və səriştələri artırmaq istiqamətində götürdüyü öhdəliyin bir hissəsidir. Layihənin məqsədi müəllim və müəllim vəzifələrinə müraciət etmək istəyən şəxsləri innovativ tədris bacarıqlarını təkmilləşdirməyə yardım edəcək kurikulum bələdçisi ilə təmin etməkdir.

BP-nin əlaqələr, xarici işlər və strategiya üzrə vitse-prezidenti Bəxtiyar Aslanbəyli bildirib ki, bu kurikulum metodikası üzrə kitab və yeni kurikulumun tədrisi üzrə pedaqoji terminləri əhatə edən lüğət müəllimlər üçün dəyərli vəsait olacaq və onlara innovativ və qabaqcıl tədris metodlarının və üsullarının tətbiqində əlavə bələdçilik edəcək: “Müəllimlər məktəb kurikulumunun hazırlanmasında, həyata keçirilməsində, qiymətləndirilməsində və dəyişdirilməsində mühüm rol oynayırlar. Bu kitaba dəstək olmaqla, biz müəllimlərin bu mühüm rolunu vurğulamaq və onların tədrisin və ümumilikdə ölkədəki təhsilin keyfiyyətinin davamlı surətdə artırılması istiqamətində gördüyü səylərə dəstək olmaq istədik. Ümid edirik ki, həm bugünkü, həm də gələcəyin müəllimləri bu vəsaitdən bəhrələnəcəklər”.

Layihənin ümumi dəyəri təxminən 60 min manatdır. Layihənin icraşısı “AzEdu" MMC-dir.

Layihə çərçivəsində 500 kitab və 3000 lüğət dərc edilib və bunlar müəllimlərə və təhsil mütəxəssislərinə təqdim ediləcək, habelə məktəblərə və digər təhsil müəssisələrinə hədiyyə olunacaq. Daha geniş auditoriyanın istifadəsi üçün kitabın və lüğətin elektron versiyaları www.AzEdu.az vebsaytında yerləşdiriləcək.

Aynurə Yusifova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

UŞAQ CƏRRAHI

XƏBƏR LENTİ
BÜTÜN XƏBƏRLƏR
Hüquq guşəsi
NEKROLOQ

«    Eylül 2020    »
PtSaÇrPrCuCtPz
 123456
78910111213
14151617181920
21222324252627
282930