SON DƏQİQƏ

naxcivanxeberleri.com

Məleykə Abbaszadə magistraturaya qəbul imtahanlarının II mərhələsinin ləğvi təklifinə münasibət bildirib

Məleykə Abbaszadə magistraturaya qəbul imtahanlarının II mərhələsinin ləğvi təklifinə münasibət bildirib
5-12-2019, 12:40

Dövlət İmtahan Mərkəzinin (DİM) Direktorlar Şurasının sədri Məleykə Abbaszadə magistraturaya qəbul imtahanlarının II mərhələsinin ləğvi təklifinə münasibət bildirib.

NAXCİVANXEBERLERİ.COM xəbər verir ki, M.Abbaszadə jurnalistlərə açıqlamasında Təhsil Nazirliyinin təşəbbüsü əsasında magistraturaya qəbulla əlaqədar təhlillərin aparıldığını və gəncləri elmlə məşğul olmağa cəlb etmək üçün prosedurların bir mərhələli keçirilməsi müzakirələrinin olduğunu deyib.

O bildirib ki, təkliflər aidiyyəti qurumlara göndərilib: "Hələlik qaydalar Nazirlər Kabineti və müvafiq qurumlar tərəfindən təsdiqlənməyib. Müəyyən ixtisaslar var ki, orada ikinci mərhələ qalacaq. Bu, yazı işi tələb olunan ixtisaslara aiddir. Daha dəqiq texniki məlumatları yalnız qaydalar tam təsdiq olunandan sonra açıqlamaq mümkündür".

DİM sədri qeyd edib ki, hər il keçirilən imtahanların nəticələri aidiyyəti qurumlarla müzakirə edilir: "Əgər dəyişiklik lazım olursa, onu tətbiq edirik. Təbii ki, qaydalara dəyişiklər vəziyyəti mütəkkəbləşdirirsə, onda bu dəyişiklər heç olmazsa 2 il əvvəl elan olunmalıdır. O halda ki, bu dəyişiklər qəbul prosedurunu daha da asanlaşdırırsa, o zaman dəyişiklərin elə imtahan prosesi başlamışdan əvvəl elan etmək olar".

"Hər halda yeni təklif magistr olmaq istəyən gənclərin xeyrinədir. Çünki imtahanlar asanlaşır. Ona görə də onlar üçün heç bir gözlənilməz sürpriz olmayacaq. Əgər yəni qaydalar təsdiq olunarsa, dəyişiklik 2020- ci ildən tətbiq olunacaq. Çünki magistraturaya sənəd qəbulu fevral və mart ayından başlanılır. Birinci mərhələdə imtahan üçün nəzərdə tutulan ödəniş məbləğini təhlil edib Tarif Şurasına təqdim edəcəyik. Yalnız onların qərarı əsasında hansısa dəyişiklik ola bilər. Hələlik belə bir təklif tərəfimizdən olmayıb"- deyə sədr əlavə edib.

O xatırladıb ki, magistratura qəbul imtahanlarının keçirilməsi 2005-ci ildə TQDK-ya həvalə ediləndən onun bir mərhələli keçirilməsi təklif edilmişdi: "Lakin həmin dövrdə universitetlər ikinci mərhələnin lazım olduğunu demişdilər və ixtisaslar üzrə biliklərin yoxlanılmasını zəruri hesab etmişdilər. Yeni təklifləri Təhsil Nazirliyi universitetlərlə müzakirə edib. Universitetlər razıdır ki, birinci mərhələdə olan nəticələr əsasında onlar magistrları qəbul edə bilərlər".

Aynurə Yusifova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
Hüquq guşəsi
NEKROLOQ

«    Ocak 2022    »
PtSaÇrPrCuCtPz
 12
3456789
10111213141516
17181920212223
24252627282930
31