SON DƏQİQƏ

naxcivanxeberleri.com

Naxçıvanda “5 dekabr- Beynəlxalq könüllülər Günü” münasibətilə təlim keçirilib

Naxçıvanda “5 dekabr- Beynəlxalq könüllülər Günü” münasibətilə təlim keçirilib
2-12-2019, 16:00

“5 dekabr- Beynəlxalq könüllülər Günü” münasibətilə Naxçıvan Muxtar Respublikası Gənclər Fondunun təşkilatçılığı ilə Gənclər Mərkəzində könüllü gənclər üçün interaktiv və məlumatlandırıcı fərdi inkişaf təlimi keçirilib.

Fonddan NAXCİVANXEBERLERİ.COM-a verilən məlumata görə, təlimin əvvəlində çıxış edən Fondun Gənclər təşkilatları və gənclər ilə iş şöbəsinin baş mütəxəssisi Arzu Qasımov bildirib ki, Beynəlxalq Könüllülər Gününün keçirilməsi iqtisadi və sosial inkişaf naminə BMT-nin Baş Məclisi tərəfindən təklif olunub və həmin gündən bu tarix geniş qeyd olunur. Vurğulanıb ki, Könüllülər Günü ərəfəsində bu cür təlimin keçirilməsinin məqsədi də könüllü gənclərin uğurlu karyera üçün əlavə bilik və bacarıqlar əldə etmələrinə, ümumi dünyagörüşlərinin artmasına və şəxsi inkişaflarına yardımçı olmaqdır.
Təlim psixoloq Əsmər Rzayevanın təqdimatında “Ünsiyyətin həyatımızda rolu”, “Ünsiyyətdə bədən dili və emosiyalar”, “Yaşlılarla ünsiyyət”, “İş yerində ünsiyyət” mövzularını əhatə etməklə keçirilib.
Təlim müddətində iştirakçılara fərdi və qrup tapşırıqları verilmiş, onları maraqlandıran suallar ətraflı cavablandırılmışdır. Təlimdə Naxçıvan Muxtar Respublika Gənclər Fondunun könüllüləri, Sosial Könüllülər, Səyyari dövlət qulluğu xidməti könüllüləri və ekologiya könüllüləri iştirak etmişdir.

Aynurə Yusifova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

UŞAQ CƏRRAHI

XƏBƏR LENTİ
BÜTÜN XƏBƏRLƏR
NEKROLOQ

«    Aralık 2019    »
PtSaÇrPrCuCtPz
 1
2345678
9101112131415
16171819202122
23242526272829
3031