SON DƏQİQƏ

naxcivanxeberleri.com

Azərbaycanın turizm brendi beynəlxalq forumda mükafatlandırılıb

Azərbaycanın turizm brendi beynəlxalq forumda mükafatlandırılıb
8-11-2019, 15:37

Azərbaycanın “Bir daha bax” (“Take another look”) şüarına əsaslanan turizm brendi Londonda turizm üzrə keçirilən “City Nation Place Global” (“Şəhər Millət Məkan Qlobal”) forumunda mükafata layiq görülüb.

NAXCİVANXEBERLERİ.COM xəbər verir ki, Dövlət Turizm Agentliyindən verilən məlumata görə, müxtəlif regionlardan olan 24 nominant ölkə arasında 5 kateqoriya üzrə keçirilən müsabiqədə Azərbaycanın ölkə turizm brendi “Dizaynın ən yaxşı istifadəsi” nominasiyası üzrə qalib olub.

Müsabiqənin nəticələri Böyük Britaniyanın “City Nation Place” (“Şəhər Millət Məkan”) adlı tədbirlər və marketing üzrə ixtisaslaşmış nüfuzlu təşkilatı tərəfindən hər il “Dünya Səyahət Bazarı” sərgisi ərəfəsində keçirilən qlobal forumda elan olunub. Artıq 5-ci ildir ki, forum dayanıqlı turizmi inkişaf etdirmək, turizmə investisiysa qoyuluşlarını stimullaşdırmaq və daha çox insanı bu prosesə cəlb etmək məqsədi ilə dünya turizm sənayesinin iştirakçılarını bir araya toplayır.

Xatırladaq ki, müxtəlif ölkə və regionların brend, marketing, kommunikasiya üzrə turizm məhsulları arasında keçirilən müsabiqədə “Dizaynın ən yaxşı istifadəsi” nominasiyası məkanın brend startegiyasının araşdırılması, kreativ yanaşma, hədəf auditoriya ilə iş və s. kimi xüsusiyyətlər nəzərə alınaraq verilir.

Azərbaycan turizminin qlobal bazarda tanıdılması üçün hazırlanan yeni turizm brendinin əsas simvolları - bir-birilə əlaqəli şəkildə təqdim olunan yeni loqo və şüar dünyanın brendinq üzrə tanınmış şirkəti “Landor” tərəfindən hazırlanıb. Yeni brendin beynəlxalq ictimaiyyətinə təqdimatı 2018-ci ilin noyabrında Londonda keçirilən “Dünya Səyahət Bazarı” sərgisində baş tutub.

Aynurə Yusifova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

UŞAQ CƏRRAHI

XƏBƏR LENTİ
BÜTÜN XƏBƏRLƏR
NEKROLOQ

«    Kasım 2019    »
PtSaÇrPrCuCtPz
 123
45678910
11121314151617
18192021222324
252627282930