SON DƏQİQƏ

naxcivanxeberleri.com

Naxçıvanda şagirdlər dərslik, müəllimlər isə metodik vəsaitlərlə təmin olunublar

Naxçıvanda şagirdlər dərslik, müəllimlər isə metodik vəsaitlərlə təmin olunublar
12-09-2019, 10:29

Muxtar respublikamızın təhsil müəssisələrində 2019- 2020-ci tədris ilinə hazırlıqla bağlı müxtəlif tədbirlər həyata keçirilməkdədir.

Naxçıvan Muxtar Respublikası Təhsil Nazirliyinin mətbuat xidmətindən NAXCİVANXEBERLERİ.COM-a verilən məlumata görə, bu tədbirlərdən biri də muxtar respublikanın ümumtəhsil məktəblərində məktəblilərin dərslik, müəllimlərin isə metodik vəsaitlərlə təmin edilməsidir. Bununla bağlı hazırlıq işləri görülüb, 2019-2020-ci tədris ili üçün dərslik və dərs vəsaitlərinə olan tələbat müəyyənləşdirilib. Avqust ayında Bakı şəhərindən 264 min 719 dərslik, 8998 metodik vəsait muxtar respublikaya gətirilib. Qeyd edək ki, bu tədris ilində ümumtəhsil məktəblərinin IV və VIII sinifləri üçün nəzərdə tutulan dərsliklər tamamilə yenilənib, digər siniflərdə isə dərsliklərə olan tələbata uyğun olaraq sifarişlər verilib. Sentyabrın 11-də muxtar respublikanın bütün ümumtəhsil məktəblərində şagirdlərə dərsliklərin paylanılmasına başlanılıb.
Bu addım tədris ili başlananadək şagirdlərin bütün dərsliklərlə təmin edilməsinə və məzmunla tanış olmalarına imkan verəcəkdir. Ümumtəhsil məktəblərində yeni dərsliklər şagirdlərə paylanmazdan əvvəl kitabxana qaydası üzrə işlənilərək fonda daxil edilib.
Həmin gündən etibarən müəllimlərə veriləcək metodik vəsaitlər isə onların tədris prosesini planlaşdırmalarına və metodik hazırlıq səviyyələrini artırmalarına yaxından köməklik edəcəkdir. Dərsliklərin saxlanılması və onlardan istifadə ilə əlaqədar məktəb kitabxanaçıları və sinif rəhbərləri tərəfindən şagird və valideynlərlə söhbətlər aparılıb.

Aynurə Yusifova

Mətndə səhv var? Onu siçanla seçin və Ctrl+Enter düyməsini basın.
ŞƏRH YAZ
OXŞAR XƏBƏRLƏR

UŞAQ CƏRRAHI

XƏBƏR LENTİ
BÜTÜN XƏBƏRLƏR
NEKROLOQ

«    Eylül 2019    »
PtSaÇrPrCuCtPz
 1
2345678
9101112131415
16171819202122
23242526272829
30