"Yaşıl Azərbaycan naminə gənc səfirlər" layihəsi çərçivəsində “Azərbaycan Uşaqları” İctimai Birliyinin Uşaq Sığınacağı-Reinteqrasiya Mərkəzinin sakinlərinin Naxçıvan Muxtar Respublikasına səfərləri davam edir. Səfər çərçivəsində qonaqlar Kəngərli rayonunun Çalxanqala kəndində Qərbi Azərbaycan musiqisi və folkloru ilə tanış olublar.

"NAXÇIVANXƏBƏRLƏRİ" məlumat verir ki, Çalxanqala kənd Uşaq Musiqi Məktəbində keçirilən musiqili tədbirdə iştirak edən uşaqlar maraqlı anlar yaşayıb. Səfər zamanı gənc səfirlər həmçinin Naxçıvan teleradiosunda və "Şərq qapısı" qəzetində media nümayəndələrinin işi ilə tanış olublar.