Naxçıvan Muxtar Respublikası Təhsil Nazirliyi tərəfindən noyabrın 14-dən Nazirliyin əhatə etdiyi ümumtəhsil müəssisələrinin rəhbər işçiləri üçün təlimlərə start verilib. Noyabrın 22-nə kimi davam edəcək təlimlər 4 istiqamət üzrə- əmək qanunvericiliyi, təhsil sənədləri, maliyyə və satınalma, elektron sistemlər mövzusunda təşkil olunacaq.

"NAXÇIVANXƏBƏRLƏRİ" məlumat verir ki, ilk təlim Naxçıvan şəhər, Şərur, Babək və Şahbuz rayonlarının ümumtəhsil müəssisələrinin rəhbər işçiləri üçün təşkil olunub. Təlimlərdə əməkdaşlara əmək müqaviləsinin bağlanması və xitam verilməsinin əsasları və qaydası, UTİS, MİTİS, sy.edu.az, bq.edu.az elektron sistemlərinə SİMA rəqəmsal imza ilə giriş, kargüzarlığın təşkili qaydaları, maliyyə-təsərrüfat sənədlərinin qanunvericiliyin tələblərinə uyğun aparılması, taarifləşmə və digər mövzularda məlumatlar verilib, iştirakçıları maraqlandıran suallar cavablandırılıb.