Noyabrın 27-də İğdır Valiliyinin ev sahibliyi ilə İğdır Ticarət və Sənaye Palatasında “Türkiyə-Azərbaycan sərhəd vilayətləri iqtisadi əməkdaşlıq konfransı” keçirilib.           

"NAXÇIVANXƏBƏRLƏRİ" məlumat verir ki, konfrans çərçivəsində Naxçıvan Muxtar Respublikasının iqtisadiyyat nazirinin müavini, nazir vəzifələrini müvəqqəti icra edən Abbas İsmayılov “Naxçıvan Muxtar Respublikası: biznes mühiti və iqtisadi perspektivlər” mövzusunda təqdimatla çıxış edib.           

Abbas İsmayılov təqdimatda Naxçıvanın iqtisadi potensialı, investisiya imkanları və bölgədə yaradılan əlverişli biznes mühiti barədə ətraflı məlumat verib.