Sentyabrın 3-də Naxçıvan Muxtar Respublikası Mədəniyyət Nazirliyinin vahid komissiyası tərəfindən Nazirliyin tabeliyində fəaliyyət göstərən uşaq musiqi, incəsənət və bədii sənətkarlıq məktəblərinə mərkəzləşdirilmiş qaydada şagird qəbulu imtahanları keçirilir.

"NAXÇIVANXƏBƏRLƏRİ" məlumat verir ki, imtahanlar muxtar respublikanın bütün bölgələrində vahid binada müxtəlif ixtisaslar üzrə müvafiq komissiya üzvləri tərəfindən həyata keçirilir. Naxçıvan şəhəri və Culfa rayonu üzrə fəaliyyət göstərən sözügedən musiqi təhsili müəssisələrinə qəbul prosesi artıq yekunlaşıdırılıb.

Məlumat üçün qeyd edək ki, Naxçıvan şəhəri üzrə 414, Culfa şəhəri üzrə isə 120 şagird qəbul imtahanlarında iştirak edib.