Şüvələn Ağır Atletika Akademiyasında gənclər və böyüklər arasında pauerliftinq üzrə Azərbaycan kuboku keçirilib.

"NAXÇIVANXƏBƏRLƏRİ" məlumat verir ki, Əli Əsgərov benç press növündə 93 kq çəki dərəcəsində çıxış edib. Təmsilçimiz 188 kiloqramlıq ağırlığın öhdəsinən gələrək 8 rəqibinin hər birini geridə qoyub. Nəticədə Əli Əsgərov yarışın qızıl medalına sahib çıxıb.

Məlumat üçün bildirək ki, Naxçıvan regional miqrasiya baş idarəsində çalışan Əli Əsgərov güc idman növləri üzrə (benç press) dünya, Avropa, Avrasiya, Azərbaycan çempionluğu və bir çox ölkə və dünya səviyyəli yarışların qalib və mükafatçısıdır.