Qoç- günün emosional mənzərəsi dəyişkən olduğundan əhvalınız da dəyişkən olacaq. Işdə problemlər yarana bilər, rəhbərliklə aranızda fikir ayrılığı olacaq. 

Buğa- uğurlu gündür. Yalnız günorta çağlarında xırda problemlər özünü büruzə verəcək. Lakin hər bir iş qaydasına düşəcək və günün sonrakı hadisələri xoş müstəvidə inkişaf edəcək. 

Əkizlər- yeni işlərə başlamaq üçün məhsuldar gündür. Hətta ən çətin işdən yapışsanız belə, onun öhdəsindən gələ biləcəksiniz. Işgüzar danışıqlar da xoş müstəvidə keçəcək. 

Xərçəng- çətinliklər istisna deyil. Lakin buna baxmayaraq, gün xoş təəssüratlarla yadda qalacaq. Günün birinci yarısı ciddi uğurla bağlı olacaq. Gün xeyli maraqlı görüşlər vəd edir. 

Şir- günün emosional mənzərəsi xoş olmadığından ətrafdakılarla dil tapmaq çətin olacaq. Əgər fikir ayrılığı yaranarsa, bu, münaqişəyə yol aça bilər. 

Qız- yaradıcılıq potensialınız yüksək olacaq. Təhsildə və elmi-tədqiqat işlərində nailiyyətlər gözlənilir. Sizi və həmkarlarınızı çoxdan narahat edən problemləri həll edəcəksiniz. 

Tərəzi- günün birinci yarısında işdə ciddi problemləriniz ola bilər. Gözlədiyiniz yardımı ala bilməyəcəksiniz. Böyük sövdələşmələrə girişməyin. Yaxşı tanımadığınız qadınlara etibar etməyin. 

Əqrəb- məhsuldar gündür. Çox işin öhdəsindən gələcəksiniz. Düşünülməmiş addımlardan uzaq durun. Bu gün ağlınıza gələn ideyalar dərin müzakirələr tələb edəcək. 

Oxatan- günün birinci yarısı danışıqlar aparmaq üçün əla vaxtdır. Iş yerini dəyişdirmək üçün də əlverişli gündür. Yeni işdə sizi başgicəlləndirici perspektivlər gözləyir. 

Oğlaq- kifayət qədər çətin gündür, amma onu uğurla başa vurmaq şansınız olacaq. Yeni tanışlarla münasibətlərdə ehtiyatlı olun. Siz etibara layiq olmayan şəxsləri çox yaxınınıza buraxırsınız. 

Dolça- professional işlərdə diqqətinizi cəmləyin. Hesab işlərində səhvlərə yol verə bilərsiniz. Xoşbəxtlikdən yanınızda sizə düzgün yol göstərəcək adamlar var. 

Balıqlar- işgüzar və şəxsi məsələlərin müzakirəsi üçün günün başlanğıcı daha əlverişlidir. Günün ortalarında neqativ tendensiyalar daha da güclənəcək.