Bu qrup şəxslərin Ağbulaqda istirahəti təşkil olunub -

Bu qrup şəxslərin Ağbulaqda istirahəti təşkil olunub - FOTO

18 Yanvar 2025

Naxçıvan Muxtar Respublikası Həmkarlar İttifaqları Şurasının bir qrup ittifaq üzvünün Ağbulaq İstirahət Mərkəzində istirahəti təşkil olunub.

"NAXÇIVANXƏBƏRLƏRİ" məlumat verir ki, yanvarın 18-də Naxçıvan Muxtar Respublikası Həmkarlar İttifaqları Şurasının ittifaq üzvlərindən ilk 42 nəfərin Ağbulaq İstirahət Mərkəzində istirahəti təşkil olunub. İki günlük proqram çərçivəsində ittifaq üzvləri müasir xizək meydançasından, dağların qoynu ilə uzanan kanat xəttindən, gündə 3 dəfə dadlı təamlardan və yaradılan bütün şəraitlərdən faydalanaraq vaxtlarını səmərəli təşkil edəcəklər.

Qeyd edək ki, Naxçıvan Muxtar Respublikası Həmkarlar İttifaqları Şurasının üzvləri aldıqları yollayışların dəyərinin cəmi 15%-ni ödəməklə həftənin şənbə və bazar günləri Ağbulaq İstirahət Mərkəzində maraqlı və yaddaqalan həftəsonu keçirə bilərlər.