Azərbaycanın 14 yeniyetmə şahmatçısı iyunun 23-də Gürcüstanın Batumi şəhərində start götürəcək Dünya Kubokuna qatılacaq.

Azərbaycan Şahmat Federasiyasından "NAXÇIVANXƏBƏRLƏRİ"-nə verilən məlumata görə, təmsilçilərimiz yarışa məşqçi Fərid Abbasovun rəhbərliyi altında yollanacaq.

Turnir 8, 10 və 12 yaş qrupları üzrə oğlanlar və qızlar arasında keçiriləcək.

Dünya Kubokuna iyulun 3-də yekun vurulacaq.