Azərbaycanda ekologiya sahəsi üzrə yeni dövlət standartları qəbul edilib

Azərbaycanda ekologiya sahəsi üzrə yeni dövlət standartları qəbul edilib

22 İyun 2024

İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin tabeliyində olan Azərbaycan Standartlaşdırma İnstitutu (AZSTAND) AZS ISO 7887 “Suyun keyfiyyəti — Rəngin tədqiqi və müəyyən edilməsi” və AZS ISO 8288 “Suyun keyfiyyəti — Kobalt, nikel, mis, sink, kadmium və qurğuşunun təyini – Alovlu atom absorbsiya spektrometrik üsullar” yeni dövlət standartlarını qəbul edib.

"NAXÇIVANXƏBƏRLƏRİ" Dövlət Xidmətinə istinadən xəbər verir ki, standartları Ekologiya və Təbii Sərvətlər Nazirliyi beynəlxalq standartlar əsasında hazırlayıb. Yeni layihə “Ekologiya” standartlaşdırma üzrə Texniki Komitədə (AZSTAND/TK-09) müzakirəyə çıxarılıb.

Standartlar müvafiq qurumlarla razılaşdırıldıqdan sonra AZSTAND onları təsdiqləyərək standartlaşdırma üzrə normativ sənədlərin dövlət fonduna daxil edib.