ABŞ Prezidenti Cozef Bayden Vaşinqtonun İranın sabiq prezidenti Mahmud Əhmədinejada (2005-2013) və ölkənin Kəşfiyyat Nazirliyinə qarşı sanksiyalar tətbiq etdiyini açıqlayıb.

NAXCİVANXEBERLERİ.COM TASS-a istinadən xəbər verir ki, bu barədə Amerika liderinin bəyanatında deyilir.

“Bu gün biz keçmiş prezident Mahmud Əhmədinejada və İranın Kəşfiyyat Nazirliyinə qarşı sanksiyalar tətbiq edirik. İranı regiondakı təxribatçı hərəkətlərinə görə məsuliyyətə cəlb etməyə davam edəcəyik”, - bəyanatda bildirilir.

Bu arada Ağ Evin rəsmi nümayəndəsi Con Kirbi CNN telekanalına müsahibəsində qeyd edib ki, ABŞ amerikalıları həbs etdiklərinə görə İran rəhbərliyinin nümayəndələrinə qarşı yeni sanksiyalar tətbiq etmək niyyətindədir və bu addımların artıq başlanmış məhbs mübadiləsini pozmayacağını düşünür.