Naxçıvan Şəhər İcra Hakimiyyəti tərəfindən Dövlət Bayrağı Günü ilə əlaqədar keçirilən tədbirdə İcra hakimiyyətinin və tabeliyindəki qurumların əməkdaşları, müəllimlər, şagirdlər və ictimaiyyət nümayəndələri: - uşaqdan böyüyə hər kəs əlində bayraq yürüşə çıxmağın sevincini və qürurunu yaşayıb.

"NAXÇIVANXƏBƏRLƏRİ" məlumat verir ki, yürüşün keçirilməsinin əsas məqsədi Vətən müharibəsində qazanılan şanlı qələbənin və milli atributlarımızın, bayrağımızın daşıdığı milli-mənəvi dəyərləri təbliğ etmək, şəhid və qazilərimizin tarixi zəfər yolunu uca tutmaqdır.

Heydər Əliyev Muzeyinin qarşısından başlayan yürüyüş yolu şəhərin ən hündür zirvəsində, Bayraq Meydanında yekunlaşıb. Yürüşün balaca iştirakçıları Bayrağımızı, Vətənimizi vəsf edən şeirlər səsləndirib. Sonra Dövlət Bayrağı Muzeyi ziyarət edilib.