SON DƏQİQƏ

naxcivanxeberleri.com

Bədii gimnastika üzrə Azərbaycan birinciliyi yüksək səviyyədə təşkil olunub

Bədii gimnastika üzrə Azərbaycan birinciliyi yüksək səviyyədə təşkil olunub
6-12-2018, 21:42 84 dəfə baxılıb

Bədii gimnastika üzrə 25-ci Azərbaycan birinciliyi çox yaxşı keçir.

Naxcivanxeberleri.com bildirir ki, bunu “Ocaq” idman klubunun məşqçisi Aysel Allahverdiyeva deyib.

O bildirib ki, gimnastlar tam qüvvəsi ilə çıxış edir: “Onlar ən yaxşı nəticəni göstərməyə çalışır. Turnir çox yüksək səviyyədə təşkil olunub. Milli Gimnastika Arenasında gözəl zal, işıqlandırma, musiqili müşayiət mövcuddur, gimnastlar üçün lazımi şərait yaradılıb”.

Məşqçi onu da qeyd edib ki, Milli Gimnastika Arenasında təşkil olunan yarışlarda iştirak etmək gimnastları daha da çox həvəsləndirir.

Qeyd edək ki, 6-9 dekabr tarixlərində Milli Gimnastika Arenasında bədii gimnastika üzrə 25-ci Azərbaycan Birinciliyi və 5-ci Bölgələrarası Kubok keçirilir.

Yarışların ilk 3 günü fərdi gimnastlar “balacalar”, “yeniyetmələr”, “gənclər” yaş kateqoriyasında, qrup hərəkətləri komandaları isə “balacalar” və “yeniyetmələr” yaş kateqoriyasında mübarizə aparacaqlar. İdmançılar arasında Ocaq Sport Klubu, Bakı Gimnastika Məktəbi, Respublika Kompleks İdman Məktəbi, AyUlduz Klubu, Zirvə “International” İdman Klubu, Sərhədçi İdman Olimpiya Mərkəzi, Su İdman Sarayı, Zabrat İdman Klubu, həmçinin Sumqayıt şəhəri, Qusar, Gəncə, Mingəçevir, İsmayıllı, Kürdəmir, Şirvan və Göyçay rayonlarının yetirmələri yer alacaqlar.
Turnirin son günü isə Bölgələrarası Kubok start götürəcək. Sayca 5-ci olan bu kubokda bölgələrimizi təmsil edən gimnastlar həm fərdi, həm də qrup hərəkətləri proqramında öz çıxışlarını hakimlərə nümayiş etdirəcəklər.

Yarışların ən maraqlı məqamı da məhz son günə təsadüf edəcək. Belə ki, ötən il olduğu kimi, bu il də təşkilatçılar “Qızıl Yaş” adlı şou hazırlayaraq, tamaşaçılara məşqçilərin iştirakı ilə maraqlı gimnastika nömrələri təqdim edəcəklər.


Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
KÖŞƏ
XƏBƏR LENTİ
BÜTÜN XƏBƏRLƏR
NEKROLOQ